Menaxheri i ri i Liverpoolit, Roy Hodgson, e ka pranuar se gjasat që Fernando Torres ta lëshojë Liverpoolin janë gjithnjë e më të mëdha.

Strategu me përvojë thotë se nuk ka mundësi ta ndal Torresin, nëse ai e ka ndërmend të largohet.

“Kam biseduar me Torresin, ndërsa ai m’i ka treguar planet dhe ambiciet e tij. I kam thënë se e çmoj shumë dhe se ai për ne është shumë i nevojshëm. Më shumë se kaq nuk mund të bëj. Problemi qëndron në marrëdhëniet e tij me klubin, që kanë rrënjë nga e kaluara”, – ka thënë Hodgson.