Mbrojtësi meksikan i Barcelonës, Rafael Marquez, pritet që shumë shpejt t’i bashkohet sulmuesit francez Thierry Henry në skuadrën e ligës MLS të futbollit në SHBA, New York Red Bulls, përcjell “Goal.com” të shtunën.

Ai pritet që të firmosë kontratë katërvjeçare me skuadrën amerikane. “Marquez është pajtuar të firmosë kontratë katërvjeçare me New York Red Bullsin dhe do t’i bashkohet Thierry Henrys.

Ai ka marrë leje nga Barcelona për t’u transferuar dhe në New York do të ketë pagë prej dy milionë funtesh në stinor.

Zyrtarizimi i transferimit pritet të bëhet javën e ardhshme”, ka thënë një burim për “Goal.com”.